ساوتھ ایشین فٹبال چیمپئن شپ کیلئے قومی انڈر 16 ٹیم کا اعلان آج متوقع

لاہور ( سپورٹس رپورٹر ) ساﺅتھ ایشین فٹبال چیمپئن شپ کیلئے قومی انڈر16فٹبال ٹیم کا اعلان آج متوقع ہے۔ ٹیم انتظامیہ کے مطابق کیمپ میں اس وقت 24 کھلاڑی ٹریننگ میں مشغول ہیں ایونٹ کیلئے اٹھارہ رکنی ٹیم کا اعلان کیا جائیگا ۔ ٹیم کی قیادت بارے کوچز منیر حسین کے نام پر متفق ہیں جبکہ نائب کپتان گول کیپر محمد شاہد ہونگے۔ چیمپئن شپ کیلئے ملک بھر سے پچاس کھلاڑیوں کو اوپن ٹرائلز کے ذریعے منتخب کیا گیا تھا جن کے یہاں پنجاب سٹیڈیم میں دوبارہ ٹرائلز ہوئے اور بہتر فارم دکھانے والے 24کھلاڑیوں کو کیمپ میں شامل کیا گیا۔ پاکستان فٹ بال فیڈریشن کے سیکرٹری احمد یار خان لودھی نے کہا ہے کہ نیپال میں ہونے والی ساﺅتھ ایشین فٹ بال انڈر 16چیمپئن شپ کیلئے باصلاحیت کھلاڑیوںکا انتخاب کےا جائے گا توقع ہے کہ قومی جونیئر ٹیم شاندار کارکردگی کا مظاہرہ کرتے ہوئے اپنے اعزازکا دفاع کامیابی سے کریگی۔ مےڈےا سے گفتگو کرتے ہوئے انہوں نے کہا کہ ایونٹ کی تیاری کیلئے قومی جونیئر کھلاڑیوں کا تربیتی کیمپ لاہور میں جاری ہے ۔ چیمپئن شپ میں پاکستان سمیت ایشیاءکے 8ممالک شرکت کر رہے ہےں جن میں بھارت ، افغانستان ، بھوٹان ، سری لنکا ، بنگلہ دیش ، نیپال اور مالدیپ شامل ہیں۔ پاکستان انڈر 16ٹیم اپنے اعزاز کا دفاع کرے گی۔ چےمپئےن شپ مےں شرکت کیلئے قومی جونیئر ٹیم 18جولائی کو روانہ ہوگی۔