لاہور (نمائندہ سپورٹس) مصحف علی میرا سکواش کمپلیکس اسلام آباد میں قومی سینئر سکواش اور جونیئر کھلاڑیوں کا تربیتی کیمپ شروع ہو گیا۔ جونیئر کھلاڑیوں نے 8 اگست سے نمیبیا میں ہونیوالی ورلڈ جونیئر سکواش چیمپئن کی تیاریاں شروع کر دیں۔ گذشتہ روز علی بخاری، طیب اسلم، اسرار اور عاصم خان نے پریکٹس کی جبکہ سینئر کھلاڑیوں میں گذشتہ روز ٹریننگ کرنے والوں میں فرحان محبوب، عامر اطلس، ناصر اقبال، فرحان زمان اور دانش، خواتین کھلاڑیوں میں ماریہ طور، زویا خالد، ثمر انجم، رفعت، صائمہ شوکت، آمنہ لطیف اور مدینہ ظفر شامل ہیں۔ ہیڈکوچ جمشید گل کیمپ کی نگرانی کر رہے ہیں۔