ملتان(سپورٹس دیسک)بھارتی کرکٹ ٹیم کے سابق کپتان مہندرا سنگھ دھونی نے انگلینڈ کے خلاف سیریز کے دوسرے ایک روزہ میچ میں وکٹوں کے پیچھے کیچز کی ٹرپل سنچری مکمل کر کے یہ اعزاز پانے والے بھارت کے پہلے اور دنیا کے چوتھے وکٹ کیپر بن گئے۔دوسری جانب انگلینڈ کے کپتان جوروٹ نے بہترین بلے بازی کا مظاہرہ کرتے ہوئے کیرئر کی 12 ویں سنچری مکمل کرکے مارکس ٹریسکوتھک کی زیادہ سنچریوں کا ملکی ریکارڈ بھی برابر کر دیا۔جوروٹ اس سنچری کے ساتھ ہی انگلینڈ کی جانب سے ایک روزہ کرکٹ میں سب سے زیادہ رنز بنانے والے چوتھے بلے باز بن گئے ہیں۔انووں نے سابق بلے باز ایلک سٹورٹ کے 4 ہزار 677 رنز کے ریکارڈ کو توڑ دیا تاہم موجودہ کپتان ا?ئن مورگن5 ہزار 530 رنز بنا کر سرفہرست ہیں، این بیل 5 ہزاور 416 رنز بنا کر دوسرے اور سابق کپتان پال کولنگ ووڈ 5 ہزار 92 رنز بنا کر تیسرے نمبر پر موجود ہیں۔