ومبلڈن اوپن، جان کیپل اور روبرٹ فرا نے مینز ڈبلز ٹائٹل جیت لیا

لندن(آئی این پی)جان سیبسٹین کیبل اور روبرٹ فرا پر مشتمل کولمبین جوڑی نے سال کے تیسرے گرینڈ سلیم ٹینس ٹورنامنٹ ومبلڈن اوپن مینز ڈبلز ٹائٹل جیت لیا، کولمبین جوڑی نے فیصلہ کن معرکے میں راجر ویسلین اور نیکولاس پر مشتمل فرانسیسی جوڑی کو اعصاب شکن مقابلے کے بعد شکست دے کر کیریئر کا پہلا گرینڈ سلیم ٹائٹل جیتنے کا اعزاز حاصل کیا، وہ ومبلڈن اوپن ٹائٹل جیتنے والے پہلی کولمبین جوڑی بن گئی ہے۔لندن میں منعقدہ ایونٹ میں کھیلے گئے مینز ڈبلز فائنل میں جان کیبل اور روبرٹ فرا نے شاندار کھیل پیش کرتے ہوئے راجر ویسلین اور نیکولاس مہوٹ پر مشتمل فرانسیسی جوڑی کو 5 گھنٹے تک جاری رہنے والے کانٹے دار مقابلے میں 6-7، 7-6، 7-6، 6-7 اور 6-3 سے شکست دے کر کیریئر میں پہلی مرتبہ گرینڈ سلیم ٹائٹل جیتنے کا اعزاز حاصل کیا۔