لاہور(کلچرل رپورٹر)لاہور آرٹس کونسل الحمرا آرٹ،موسیقی، مصوری و فنون لطیفہ کے دیگر شعبوں کی ترویج و ترقی کیلئے باقاعدہ آن لائن سرگرمیوں کا کامیاب انعقاد کر چکی ہے،اس حوالے سے منعقد ہونے اجلاس میں ماہوار ادبی و ثقافتی نشست ’’کچھ یادیں،کچھ باتیں‘‘اور ’’روشن ستارے‘‘کے آن لائن انعقاد کا فیصلہ کیا گیا ہے۔ چیئرپرسن بورڈ آف گورنز لاہور آرٹس کونسل الحمرا منیزہ ہاشمی نے ایگزیکٹوڈائریکٹر الحمر ا ثمن رائے کے ہمراہ اجلاس کی صدارت کرتے ہوئے کہا کہ پروگرامز کا مقصد لیجنڈ کے تجربات سے نوجوانوں کو آگہی دینا ہے۔ایگزیکٹو ڈائریکٹر الحمرا ثمن رائے نے کہا کہ جدید ٹیکنالوجی سے مدد لی جا رہی ہے۔ اجلاس میں ڈائریکٹر ذوالفقار علی زلفی، اسسٹنٹ ڈائریکٹر ایڈمن خرم نویل شریک ہوئے۔