لاہور(نمائندہ سپورٹس +سپورٹس رپورٹر)قومی کرکٹ ٹیم کے آل راونڈرز فہیم اشرف اور شاداب خان نے 2018ء کے دورہ انگلینڈ کی یادیں شیئر کردیں۔ٹیم کے ہمراہ انگلینڈ میں موجود فہیم اشرف نے بتایا کہ 2018 ء کے دورہ انگلینڈ میں مجھ سے جب بھی کوئی غلطی ہوتی تھی تو شاداب یہ نہیں کہتا تھا کہ اے کی کیتا اے (یہ کیا کیا ہے)، کوئی بات نہیں اگلی مرتبہ اچھا کھیلو گے۔شاداب خان نے بھی یادیں شیئر کرتے ہوئے کہا کہ ہم دونوں ایک دوسرے کے بال لیفٹ کرنے کی بھی تعریف کرتے تھے، کئی مرتبہ ایک دوسرے کا اعتماد بڑھانے کیلئے جھوٹی تعریف بھی کرتے تھے۔