نوید عالم کی وفات پاکستانی ہاکی کیلئے بہت بڑا نقصان ہے: زاہد فاروق

حافظ آباد(نمائندہ خصوصی+ نامہ نگار+نمائندہ نوائے وقت) دنیائے ہاکی میں پاکستان کا نام روشن کرنے والے نوید عالم کی اسپورٹس کے میدان میں خدمات کو سنہرے حروف سے لکھا جائیگا ۔نوید عالم اپنے وقت کے تجربہ کار اور منجھے ہوئے کھلاڑی تھے انکی وفات پاکستانی ہاکی اور کھلاڑیوں کے لیے بہت بڑا نقصان ہے ان خیالات کا اظہار ڈی ایچ اے حافظ آباد کے عہدیداروں، کھلاڑیوں،کوچز اور شائقین نے مرحوم نوید عالم کی اچانک وفات پر کیا۔ڈی ایچ اے کے صدر الحاج زاہد فاروق،شیخ محمد امجد،انجم سہیل،ضیغم الرحمان،چودھری نجیب الرحمان ،حافظ فاروق نگینہ ،محمد امین،ارشاد احمد،ذوالفقار پامی ڈوگر،حاجی محمد نعیم جاوید،ظہیر الحق،حاجی محمد رفیق مغل،محمد اقبال ،سلمان بٹ،مظہر حسین پپو،صابر بٹ ،منور حسین اور شکیل احمد سمیت ضلع بھر کے سینئر،جونیئر کھلاڑیوں نے مرحوم نوید عالم کی وفات کو پاکستانی ہاکی کے لیے بہت بڑا نقصان قرار دیا اور انکی خدمات پر انہیں زبردست خراج تحسین بھی پیش کیا ۔مرحوم کی وفات پر انکے ایصال ثواب کے لیے فاتحہ خوانی اور دعا مغفرت بھی کی گئی ۔