لاہور(سپورٹس رپورٹر)کشمیر پریمیئر لیگ فرنچائز راولا کوٹ ہاکس نے فاسٹ بولر محمد عامر کو  سیزن ٹو کیلئے آئیکون پلیئر منتخب کر لیا۔ محمد عامر انٹرنیشنل اور ٹی ٹونٹی لیگز کا وسیع تجربہ رکھتے ہیں، عامر پاکستان کی جانب سے 50 ٹی ٹونٹی انٹرنیشنل میچز میں 59 اور مجموعی طور پر ٹی ٹونٹی فارمیٹ میں 219 میچز کھیل کر 248 وکٹیں حاصل کر چکے ہیں۔محمد عامر کا کہنا ہے کہ کہ راولاکوٹ ہاکس کا حصہ بننے پر خوشی ہے، بطور آئیکون پلیئر منتخب کرنے پر وہ راولاکوٹ انتظامیہ اور کوچز کا شکریہ ادا کرتے ہیں۔ہیڈ کوچ راولا کوٹ ہاکس ارشد خان کا کہنا ہے کہ محمد عامر کو راولاکوٹ ہاکس میں خوش آمدید کہتے ہیں، محمد عامر ٹی ٹونٹی کرکٹ کے تجربہ کار بائولر ہیں، ان کی شمولیت سے ٹیم مضبوط ہو گی۔