ون ڈے سپر لیگ،نیوزی لینڈ نے پاکستان کیلئے خطرے کی گھنٹی بجادی

لاہور(سپورٹس رپورٹر)ون ڈے سپر لیگ میں نیوزی لینڈ نے پاکستان کیلیے خطرے کی گھنٹی بجادی۔ورلڈ کپ 2023 کیلییکوالیفائنگ کا درجہ رکھنے والی آئی سی سی سپر لیگ میں بھی پاکستان کی چوتھی پوزیشن اس وقت خطرات کیزد میں ہے، نیوزی لینڈ نے دوسرے میچ میں آئرلینڈ کو 3 وکٹ سے شکست دے کر سپر لیگ میںپانچویں پوزیشن حاصل کرلی، اس کے پوائنٹس کی تعداد 80 ہوگئی ہے۔ تیسرے میچ میں فتح سے کلین سوئپ کیساتھ کیویز کے سپر لیگ پوائنٹس چوتھے نمبر پر موجود پاکستان کے برابر 90 ہوجائیں گے، گرین شرٹس نے یہ پوائنٹس 15 میچز کھیل کر حاصل کیے ہیں جبکہ نیوزی لینڈ نے 8 ہی میچز میں اتنے پوائنٹس جوڑ لیے، مزید ایک فتح سے وہ پاکستان سے آگے نکل سکتے ہیں۔ٹاپ پربدستور انگلینڈ کی حکمرانی ہے، اس کے پوائنٹس کی تعداد 125 ہے، 120 پوائنٹس کے ساتھ بنگلادیش دوسرے جبکہ 100 پوائنٹس کی حامل افغان ٹیم تیسرے نمبر پر ہے۔ بھارت فی الحال 12 میچز میں 79 پوائنٹس کیساتھ ساتواں نمبر سنبھالے ہوئے ہے۔