صفائی آپریشن پرتمام افسران، ورکرزکوشاباش: ڈپٹی کمشنر

گوجرانوالہ(نمائندہ خصوصی)ڈپٹی کمشنرسائرہ عمر نے کہا ہے کہ کامیاب عیدصفائی آپریشن پرتمام افسران،اداروں، ورکرزکوشاباش، عیدالاضحیٰ صفائی آپریشن کے تین دنوں میں 10370 ٹن آلائشیں ٹھکانے لگائی گئیں، گوجرانوالہ ویسٹ مینجمنٹ کمپنی نے 7232 اوردیگراداروں نے 3138، ہیلپ لائن، ضلعی کنٹرول روم میں موصول 468 شکایات کابھی ازالہ کیا گیا سائرہ عمرکی خصوصی ہدایت پرضلع کی تمام تحصیلوں میں اسسٹنٹ کمشنرز، چیف افسران، ڈپٹی ڈائریکٹر لوکل گورنمنٹ، اسٹنٹ ڈائریکٹرز، جی ڈبلیو ایم سی مینجرز، اسسٹنٹ مینجرز، سینٹری انسپکٹرز، سپروائزرز، سیینٹری ورکرز، ڈرائیورز اوردیگرمتعلقہ کی انتھک محنت اورزمہ داریاں سےعیدالاضحی کے ایام میں صفائی ستھرائی کیلئے تمام ممکنہ اورمثالی اقدامات کئے گئے اورمیٹروپولیٹن کارپوریشن گوجرانوالہ‘ گوجرانوالہ ویسٹ مینجمنٹ کمپنی‘ میونسپل کارپوریشنز اورکمیٹیوں سمیت لوکل گورنمنٹ کے تمام اداروں‘ انتظامیہ کے افسران اوردیگرمحکمے قربانی کے جانوروں کی آلائشوں کو بروقت ٹھکانے لگانے کیلئے مسلسل متحرک رہے۔