دوبئی میں مقیم شہرت یافتہ پاکستانی آرٹسٹ

 
دبئی میں مقیم پاکستانی فنکار عظیم ڈار کی شکایت پر محکمہ آر ٹی اے نے فوری ایکشن لیتے ہوئے تباہ شدہ فٹ پاتھ کی مرمت کرادی۔ تفصیلات کے مطابق دبئی کی ایک معروف شاہراہ برجمان سینٹر کے قریب فٹ پاتھ کے درمیان میں ٹوٹ پھوٹ کا شکار ہوگیا جس کے باعث وہاں سے گزرنا مشکل ہوگیا اور پیدل چلنے والوں کے گرنے کا خطرہ تھا، دبئی میں مقیم ایک ذمہ دار نے بتایا۔ ایک پاکستانی شہری عظیم ڈار نے دبئی میں آر ٹی اے ڈیپارٹمنٹ کو ٹیلی فون کرکے صورتحال کی اطلاع دی۔ رپورٹ ملنے کے بعد محکمہ آر ٹی اے نے فوری کارروائی کرتے ہوئے فٹ پاتھ کے ٹوٹے ہوئے حصے کی مرمت کروائی۔ ایسا کرتے ہوئے عظیم ڈارنے کہا کہ ان کی خواہش ہے کہ پاکستان میں ہمارے ادارے بھی اسی طرح مستعد ہوں اور فوری نوٹس لے کر عوام کی شکایات کا ازالہ کریں، تاکہ پاکستانی عوام کو بھی  اپنے ملک میں بہتری کے آثار محسوس ہوں۔
 ویسے تو متحدہ عرب امارات کی سر زمین دنیا بھر کے ممالک کے لوگوں کے رہنے کی جگہ ہے اور یہاں 200سے زائد قومیتوں کے لوگ آباد ہیں جبکہ دوبئی کو اس سلسلے میں خصوصی مقام حاصل کہ جہاں سب سے زیادہ ایونٹس کا انعقاد ہوتا ہے اور ہر ملک کے لوگوں کو اپنی فنکارانہ صلاحیتیں دکھانے کا موقع ملتا ہے ، چونکہ یہاں زیادہ تعداد ایشین لوگوں کی ہے لہذا پاکستان اور انڈیا کے فنکاروں کو دبئی  میں اپنے فن کا اظہار کرنے کا موقع ملتا رہتا ہے، دوبئی میں ایک باصلاحیت پاکستانی عظیم ڈار کا نام سر فہرست ہے جو آج کل اپنی فنکارانہ صلاحیتوں کی وجہ سے چھائے ہوئے ہیں، عظیم ڈار بچپن  سے ہی فنکارانہ صلاحیت رکھتے ہیں آپ پاکستان کے معروف آرٹسٹ خالد عباس ڈار کے قریبی عزیز ہیں اور لاہور کے پڑھے لکھے معروف گھرانے سے تعلق رکھتے ہیں، گزشتہ دنوں ایک ملاقات کے دوران عظیم ڈار نے بتایا کہ وہ دوبئی کے علاوہ دنیا کے متعدد ممالک جن میں یورپی ملک بھی شامل ہیں وہاں اپنے فن کا اظہار کر چکے ہیں، عظیم ڈار خداداد صلاحیتوں کے مالک ہیں اور بیک وقت گلو کار، گیت نگار، ہدایتکار، فنکار، ماڈل، پروڈیوسر اور کمپوزر بھی ہیں، اب تک ان کے متعدد سولو سانگز منظر عام پر آکر ڈیجیٹل اور الیکٹرانک میڈیا پر اپنی دھوم مچا چکے ہیں، ان کے گانوں کو انٹر نیٹ پر بہت زیادہ پذیرائی ملی ہے اور ان کے چاہنے والوں نے عظیم ڈار سے ان کے اپنے کی البم ریلیز کرنے کی خواہش ظاہر کی ہے، عظیم ڈار نے بتایا کہ وہ اپنے مداحوں کی خواہش کو مد نظر رکھتے ہوئے بہت جلد اپنے گانوں پر مشتمل البم ریلیز کرنے والے ہیں، انہوں نے بتایا کہ پاکستان با صلاحیت فنکاروں کی زمین ہے لیکن ٹیلنٹ کو صحیح طریقہ سے آگے آنے کا موقع نہیں ملتا، انہوں نے کہا کہ وہ نئے فنکاروں کو بھی آگے لائیں گے، اور اپنے فن کے اظہار کا موقع فراہم کریں گے، عظ?یم ڈار نے کہا کہ حکومت اگر فنکاروں کی سرپرستی کرے تو پاکستانی فنکار اپنی خداداد صلاحیتوں کے باعث پوری دنیا میں اپنا اور ملک کا نام پیدا کر سکتے ہیں