لاہور(نامہ نگار)کیپٹل سٹی پولیس آفس لاہورمیں خدمات سر انجام دینے والے کانسٹیبلز کے اعزاز میں خصوصی تقریب کا اہتمام کیا گیا۔سی سی پی او لاہور بلال صدیق کمیانہ کی ہدایت پر ایس ایس پی ایڈمن عاطف نذیرنے ایس پی ہیڈ کوارٹر عبداللہ لک کے ہمراہ کانسٹیبلز کو مدت ملازمت کے مطابق شولڈر بریڈز لگائے۔تقریب کے دوران 10 سے 20 سال سروس والے کانسٹیبلز کو ایک بریڈ(سٹریپ) لگایا گیا۔اسی طرح20سے30 سال والے کانسٹیبلز کو 2بریڈ جبکہ 30 سال سے زائد سروس والے کانسٹیبلز کو 3 بریڈز لگائے گئے۔ تقریب میں شریک کانسٹیبلز نے سی سی پی او لاہور بلال صدیق کمیانہ کا شکریہ ادا کیا۔بلال صدیق کمیانہ نے کہا ہے کہ کانسٹیبلز کی خدمات کے اعتراف سے پولیس ملازمین کی حوصلہ افزائی ہو گی اور وہ مزید بہتر انداز میں اپنی خدمات سر انجام دیں گے۔ کانسٹیبلز محکمہ پولیس کیلئے کلیدی حیثیت رکھتے ہیں۔ امید ہے پولیس ملازمین اپنے فرائض جذبے، لگن اور دیانتداری سے ادا کریں گے۔