بھاٹی گیٹ میں آتشزدگی میں10 افراد جاں بحق ہونے پر اسلم گل کی تعزیت

لاہور(نیوز رپورٹر)پاکستان پیپلز پارٹی لاہور ڈویژن کے صدر اسلم گل چھوٹی چوک اندرون بھاٹی گیٹ میں آتشزدگی کے نتیجے میں جاں بحق ہونیوالے 10 افراد کے خاندان کے عزیز و اقارب سے تعزیت کیلئے جاوید الیاس بٹ،عامر نصیر بٹ،زاہد ذوالفقار،حامد منیر، آغا شوکت علی،عمر ایاز، افتخار پاپا، محمد یوسف، زبیر بٹ اور دیگر کیساتھ پہنچے اور لواحقین سے اظہار تعزیت کیا۔اسلم گل نے مرحومین کے درجات کی بلندی کیلئے دعا کرتے ہوئے کہا کہ مشکل کی اس گھڑی میں پاکستان پیپلز پارٹی متاثرہ خاندان کے ساتھ ہے۔دریں اثنا وہ اچھرہ میں زون 168کے صدر ریاض جٹ سے انکے بھائی فیاض جٹ اور ممبر پنجاب کونسل فدا حسین کی والدہ کی وفات پر تعزیت کیلئے انکے گھروں میں گئے۔