اسلام آباد (اپنے سٹاف رپورٹر سے)اولڈ راوینز ایسوسی ایشن کے وفد نے سنٹرل پولیس آفس کا دورہ کیاجہاں اسلام آباد کیپیٹل سٹی پولیس آفیسر ڈاکٹر اکبر ناصر خاں نے وفد کا خیر مقدم کیاانہیں اسلام آباد کیپٹل پولیس کی پیشہ وارانہ صلاحیتوں سے آگاہ کیا وفد نے سیف سٹی اسلام آباد کا بھی دورہ کیاسی پی او سیف سٹی / ٹریفک نے سینئر افسران کے ہمراہ وفدکا استقبال کیاانہوں نے وفد کو سیف سٹی اسلام آباد کے سنٹرلائزڈ سسٹم ،کمانڈ اینڈ کنٹرول سنٹر، ڈیٹا ہب یونٹ،جدید ٹیکنالوجی کے حامل کیمروں اور انکے طریقہ کار اور افادیت کے بارے میں مکمل آگاہ کیا، سی پی او سیف سٹی /ٹریفک نے وفد کو بتایا کہ سیف سٹی اسلام آباد پروجیکٹ جدید ٹیکنالوجی کے ذریعے مختلف شعبہ جات میں اہم کردار ادا کر رہا ہے، جس میں پولیس آپریشنز سنٹر،ایمرجنسی کنٹرول سنٹر،ڈیٹا ہب یونٹ،ڈسپیچ کنٹرول سنٹر،ای چالان سسٹم اور " پکار- 15 " ہیلپ لائن جیسے اقدام شامل ہیں،انہوں نے شہر میں سیف سٹی کیمروں کی ورکنگ اور افادیت کے بارے میں بریف کرتے ہوئے وفدکو بتایا کہ سیف سٹی کے جدید ٹیکنالوجی کے حامل کیمرے شہر کی سکیورٹی، جرائم کے سدباب اور شہریوں کی جان و مال کے تحفظ میں اہم کردار ادا کررہے ہیں،جرائم کا 42 فیصد سیف سٹی کمانڈ اینڈ کنٹرول سنٹر سے حل کیا جاتا ہے۔