لاہور(سپورٹس رپورٹر) قومی کرکٹ ٹیم کے سابق کپتان چیف سلیکٹر شاہد آفریدی نے کہا ہے کہ بھارت میں شیڈول ورلڈکپ 2023ء میں پاکستان کے پاس بہترین ٹیم ہے، کوئی وجہ نہیں کہ قومی ٹیم فائنل تک رسائی حاصل نہ کرسکے، ورلڈکپ میں میری ٹاپ فور ٹیمیں پاکستان، بھارت، انگلینڈ اور آسٹریلیا ہیں، مجھے لگتا ہے کہ قومی ٹیم میں زیادہ تبدیلیاں کرنے کی ضرورت نہیں، ہماری بائولنگ، بیٹنگ اور سپن ڈیپارٹمنٹ اچھا کرنے کی کوشش کررہا ہے،شاہد آفریدی نے ورلڈکپ کیلئے سب سے بہترین کپتان کے سوال پر کہا کہ تمام ٹیموں کے کپتانوں میں تقریبا ایک جیسے سکلز ہوتے ہیں لیکن میں بابراعظم کو بیک کروں گا،سابق آل رائونڈ نے رمیز راجہ کو کمنٹری میں کم بیک کرنے پر خوش آمدید کہتے ہوئے کہا کہ انکے مداح انہیں کمنٹری کرتا دیکھنا چاہتے ہیں۔