لاہور(نامہ نگار)ایشین پاور لفٹنگ چمپئین شپ،گولڈ میڈل جیتنے والی ٹوئیکل سہیل نے اپنی جیت بی بی شہید کے نام کر دی ہے۔سابق سپیکر اور پیپلز پارٹی وسطی پنجاب کے صدر راجہ پرویز اشرف نے گولڈ میڈلسٹ پاکستانی مسیحی کھلاڑیوں کو مبارکباد دیتے ہوئے کہا اپنی جیت بی بی شہید کے نام کرنیوالی مسیحی کھلاڑی ہمارا اور ملک کا فخر ہیں۔ویرونیکا سہیل،سبیل سہیل اور ٹوئینکل سہیل نے سبز ہلالی پرچم کو دنیا بھر میں سر بلند کیا۔چار چار گولڈ میڈل جیتنے والی مسیحی بیٹیوں کا نام کھیلوں کی تاریخ میں سنہرے حروف سے لکھا جائے گا۔