لاہور(نامہ نگار)ڈی آئی جی آپریشنزلاہورمحمد فیصل کامران نے سروسزہسپتال کا دورہ کیا۔انہوں نے ہسپتال میں زیر علاج ڈی ایس پی گجرپورہ سید سہیل حسین کاظمی کی عیادت کی۔ محمد فیصل کامران نے ڈی ایس پی گجرپورہ سے بیماری اورعلاج ومعالجہ بارے دریافت کیااور انہیں بہترین طبی سہولیات کی فراہمی کی یقینی دہانی کروائی۔ڈی آئی جی آپریشنز نے بیماری کی پرواہ نہ کرتے ہوئے اپنے فرائض تندہی سے انجام دینے پر ڈی ایس پی سہیل کاظمی کے جذبے کی بھی تعریف کی۔ ڈی ایس پی سیدسہیل حسین کاظمی دل کے عارضہ میں مبتلا ہیں۔ سہیل کاظمی گذشتہ کئی دنوں سے بناآرام کئے محرم الحرام کی ڈیوٹی انجام دے رہے تھے۔