خلفائے راشدینؓ، صحابہ کرام ؓکی زندگیاں مشعل راہ ہیں:ہشام الٰہی ظہیر  

لاہور ( خصوصی نامہ نگار )جمعیت اہلحدیث کے صدر علامہ ہشام الٰہی ظہیر نے کہاہے کہ خلفائے راشدین اور صحابہ کرام رضوان اللہ علیہ اجمعین کی زندگیاں امت مسلمہ کیلئے مشعل راہ ہیں۔ افسوس نوجوان نسل نے اپنی زندگیوں کا آئیڈئیل لبرل، سیکولر مافیا کے پارٹی لیڈروں کو بنا لیا ہے۔وہ گذشتہ روزجمعیت اہلحدیث کے زیر اہتمام بیگم کوٹ چوک لاہور میں ہونیوالی فضائل صحابہ و اہلبیت سالانہ کانفرنس کی تیاریوں کے سلسلہ بنائی گئی کمیٹیوں کے اجلاس سے خطاب کررہے تھے اس موقع پر انہوں نے کانفرنس کی تیاریوں اور انتظامات کا جائزہ بھی لیا۔انہوں نے مزید کہا کہ سعودی عرب ہمارا برادر محسن اسلامی ملک ہے اور ہر مشکل وقت میں وہ پاکستان کے ساتھ کھڑا رہا۔اس کے خلاف ہر قسم کے جھوٹے پروپیگنڈے کی پرزور مذمت کرتے ہیں۔سعودی عرب کی خدمات ملت اسلامیہ کے لئے قابل تحسین ہیں۔سعودی عرب نے ہر مشکل گھڑی میں پاکستان سمیت تمام عالمی اسلامی برادری کا بھر پور ساتھ دیا ہے۔مسجد نبوی صلی اللہ علیہ وسلم میں گاڑیوں کے حوالے سے خلاف پروپیگنڈا بند کیا جائے۔