ٹریفک حادثات، 4 افراد دیر بالا، 3 سکردو، 2 شکار پور میں جاں بحق

دیربالا+ سکردو+ شکارپور (نوائے وقت رپورٹ)  ٹریفک حادثات میں 9 افراد جاں بحق ہو گئے۔ تفصیلات کے مطابق چترال شہر سے یار خون لشٹ جانے والی گاڑی کھائی میں گرنے کا واقعہ تنگ اور خستہ حال روڈ کے باعث پیش آیا۔ حادثے میں 4 افراد زندگی کی بازی ہار گئے جبکہ 10 زخمی ہوئے۔ جاں بحق ہونے والوں میں ڈرائیور، خاتون اور 2 بچے جبکہ زخمیوں میں 4 خواتین بھی شامل ہیں۔ زخمیوں کو آر ایس سی مستوج اور تحصیل ہیڈکوارٹر ہسپتال بونی منتقل کر دیا گیا۔ دریں اثناء سکردو میں شاہراہ بلتستان ملوپہ کے مقام پر کار کھائی میں جاگری حادثے میں بچی سمیت تین افراد جاں بحق جبکہ تین زخمی ہو گئے۔ جاں بحق افراد کی نعشوں اور زخمیوں کو سی ایم ایچ سکردو منتقل کر دیا گیا۔ کار سکردو سے اسلام آباد جا رہی تھی۔ علاوہ ازیں شکار پور میں کندھ کوٹ کے قریب انڈس ہائی وے پر تیز رفتار ٹرک نے موٹر سائیکل کو کچل ڈالا جس سے دو افراد موقع پر دم توڑ گئے جبکہ دو شدید زخمی ہو گئے جنہیں سول ہسپتال منتقل کر دیا۔