راولپنڈی(سٹاف رپورٹر)دین کی سر بلندی اور شریعت ِمصطفوی کی بقاء واستحکام کیلئے شہدائے کربلا کی لازوال قربانیوں کو خراجِ عقیدت پیش کرنے کیلئے راولپنڈی،اسلام آباد اور گردو نواح میں عشرہ محرم کی مجالس کا سلسلہ آج ساتویں روز بھی جاری رہا۔ مختلف مقامات سے نوشاہ کربلا حضرت قاسم ابن حسن  کی عظیم قربانی کو سلام عقیدت پیش کرنے کیلئے جلوس مہندی شہزادہ قاسم برآمد ہوئے۔راولپنڈی میں مرکزی جلوس مہندی امام بارگاہ حفاظت علی شاہ بوھڑ بازار اور نیا محلہ صدف امیر کاظمی کی رہائش گاہ سے برآمد ہوا جس میں ہزاروں سوگواران حسین نے شرکت کر کے نوحہ خوانی، ماتمداری اور زنجیر زنی کا پرسہ پیش کیا۔