اس سے قبل ٹورنامنٹ کے گروپ ای میں کھیلے گئے میچ میں جاپان نے کیمرون کو دلچسپ مقابلے کے بعد ایک صفر سے شکست دی۔ جاپان کے کیسوکے ہونڈا نے انتالیس ویں منٹ میں میچ کا واحد گول سکور کیا۔
گروپ ای کے دوسرے میچ میں ہالینڈ نے ڈنمارک کو دو صفر سے شکست دی۔ کھیل کے چھیالیسویں منٹ میں ڈنمارک کے کھلاڑی نے ڈچ سٹرائیکر ڈینئیل ایگر کی جانب سے لگائی گئی کک پر اپنے ہی جال میں گیند پھینک دی۔ ہالینڈ کی طرف سے دوسرا گول پچاسی ویں منٹ میں ڈرٹ کیوٹ نے سکور کیا۔