لاہور(نامہ نگار) چوہنگ پولیس نے شہر میںگھڑدوڑ اورکرکٹ میچوں پر جواء کرانے والی شہر کی سب سے بڑی بک پکڑ کر11جواریوں کو گرفتار کرلیا ہے اور ملزمان کے قبضے سے 80 وائر لیس سیٹ، ، 6لیپ ٹاپ ،4کمپیوٹر، 2ایل سی ڈیز ،5ٹیلی فون سیٹ، 6ٹیپ ریکارڈر، 2پرنٹر،لاکھوں روپے نقدی اور دیگر سامان قبضے میں لے لیا ہے ۔ تفصیلات کے مطابق ایس ایچ او چوہنگ انسپکٹر جاوید صدیق نے خفیہ اطلاع پر ازمیر ٹاؤن میں چھاپہ مار کر یاسر بروسٹ کے مالک حاجی ناصر کی شہر میں جوئے کی بڑی بک پکڑ لی اور حاجی ناصر،احمد فراز ، عاطف ، مہروز ، اطہرشاہ ، اویس ، کامران، بلال ، ابرار،نعمان اور رمضان کو گرفتار کر لیا ہے۔ ایس ایچ او چوہنگ انسپکٹر جاوید صدیق نے بتایاکہ ملزمان گھڑدوڑ،کرکٹ میچوں پر جواتے کراتے ہیں۔ حاجی ناصر شہر کا سب سے بڑا بکیا ہے۔