قطر اسٹاک ایکس چینج کے لسٹنگ ڈائریکٹر عبدالعزیز العمادی نےکراچی اسٹاک ایکس چینج کا دورہ کیا،اس موقع پرانکا کہنا تھاکہ دورے کا مقصد قطر اور کراچی اسٹاک ایکس چینج کے درمیان کمپنیوں کے باہمی روابط ، ٹیکنالوجی کے فروغ اور تجربے سے استعفادہ کرنا ہے،انہوں نےکہا کہ قطر کی کمپنیاں کراچی اسٹاک ایکس چینج میں سرمایہ کاری کے لئے غور کر رہی ہیں، کراچی اسٹاک ایکس چینج کی ڈی میو چوئلائزیشن میں دلچسپی نہیں رکھتے،اس موقع پرکراچی اسٹاک ایکس چینج کے مینجنگ ڈائریکٹر ندیم نقوی نے کہا کہ قطر کی اسٹاک ایکس چینج کی کارکردگی بہتر ہے،ہماری کمپنیوں کی قطر میں لسٹنگ ہونے سے کراچی اسٹاک ایکس چینج کو فوائد حاصل ہونگے،قطر اسٹاک ایکس چینج کے وفد کے اراکین نے روایتی گونگ بجاکر کاروبار کا آغاز کیا۔