انتخابات: خواتین کیلئے مخصوص سیٹوں کی فہرست مسلم لیگ (ن) نے پنجاب سے 110، پی ٹی آئی 69 پی پی نے 53 نشستوں کی کامیابی کے اندازے پر دی

لاہور (خصوصی رپورٹر) الیکشن 2018ء کیلئے سیاسی جماعتوں نے خواتین کی مخصوص نشستوں کیلئے جو فہرستیں الیکشن کمشن میں جمع کرائی ہیں ان کی تعداد سے یہ دلچسپ صورتحال سامنے آئی ہے کہ مسلم لیگ ن نے جو فہرست دی ہے وہ اس اندازے کی بنیاد پر ہے کہ انہیں پنجاب سے 110 جنرل نشستیں ملیں گی۔ بالترتیب پی ٹی آئی نے خواتین کی فہرستیں 69 جنرل نشستوں کے حاصل ہونے کے اندازے کے مطابق دی ہے۔ پیپلز پارٹی نے 53 جنرل نشستوں کے حاصل ہونے کی امید کو سامنے رکھتے ہوئے خواتین امیدواروں کی فہرست دی ہے۔