آئندہ 24 گھنٹوں میں گلگت بلتستان اورکشمیر میں بارش کاامکان

اسلام آباد (نمائندہ نوائے وقت) محکمہ موسمیات کے مطابق آئندہ 24 گھنٹوں کے دوران گلگت بلتستان اورکشمیر میں گرج چمک کے ساتھ بارش کاامکان ہے۔گذشتہ 24 گھنٹوںکے دوران پنجاب، سندھ، خیبر پختونخواہ اور گلگت بلتستان میں بارش ہوئی۔ سب سے زیادہ بارش گلگت بلتستان، بگروٹ 7 ، گلگت 5 ، گوپس 2 ، سندھ، مٹھی 3 ، پنجاب، منڈی بہائوالدین 2 ، خیبر پختونخواہ، سیدو شریف ، کالام 2 ، دیر اور میرکھانی میں ایک ملی میٹر بارش ریکارڈ کی گئی جبکہ ملک کے بیشتر علاقوں میں موسم گرم اور خشک رہا۔زیادہ سے زیادہ درجہ حرارت ، جیکب آباد47 ، دادو 46، موہنجوداڑو، تربت اور سبی میں 45 ڈگری سینٹی گریڈ ریکارڈ کیا گیا۔