اسلام آباد: وفاقی وزیر سائنس و ٹیکنالوجی فواد چوہدری نے عیدالاضحٰی 31 جولائی بروز جمعہ کو ہونے کا اعلان کر دیا۔
سماجی رابطے کی ویب سائٹ ٹوئٹر پر وفاقی وزیر فواد چوہدری نے عیدالاضحٰی کا اعلان کرتے ہوئے لکھا کہ 21 جولائی کو چاند کراچی اور ارد گرد کے علاقوں میں دوربین سے واضح نظر آئے گا۔
انہوں نے کہا کہ کئی علاقوں میں چاند آنکھ سے بھی دیکھا جا سکے گا اور چاند کی جگہ کے لیے آپ رویت ایپ بھی استعمال کر سکتے ہیں۔
واضح رہے کہ اس سے قبل بھی فواد چوہدری نے عیدالفطر کا چاند نظر آنے کا اعلان کیا تھا اور پھر انہی کی بتائی ہوئی تاریخ کو عیدالفطر منائی گئی تھی۔
وفاقی وزیر فواد چوہدری چاند دیکھنے کے لیے سائنس و ٹیکنالوجی کے استعمال پر زور دیتے چلے آ رہے ہیں۔