مسلم لیگ ن کےرہنما دوست محمد فیضی کورونا کے باعث انتقال کرگئے

کراچی : مسلم لیگ ن کے رہنما اور سندھ سے تعلق رکھنے والے سابق ر کن صوبائی اسمبلی دوست محمد فیضی کورونا کے باعث انتقال کرگئے ۔
تفصیلات کے مطابق مسلم لیگ ن کے رہنما اورسندھ سے تعلق رکھنے والے سابق ر کن صوبائی اسمبلی دوست محمد فیضی کورونا وائرس میں مبتلا تھے اورکلفٹن کراچی کے ایک ہسپتال میں زیر علاج تھے ۔ وہ سندھ کے نگران وزیر بھی رہ چکے ہیں۔
اس سے قبل مسلم لیگ ن  کے ہی رکن پنجاب اسمبلی  شوکت منظور چیمہ کورونا وائرس سے انتقال کر گئے تھے ۔جبکہ پی ٹی آئی کے منیر اورکزئی بھی کورونا کے باعث جاں بحق ہوچکے ہیں ۔
واضح رہے کہ ملک بھر میں مہلک کورونا کے وار جاری ہیں اور گزشتہ 24گھنٹےمیں 97 اموات اور 5 ہزار 248 نئےکیسزرپورٹ ہوئے ہیں ۔ملک میں کوروناکےمریضوں کی تعداد1 لاکھ 44 ہزار399 ہوگئی ہے  جبکہ کورونا سےاموات کی تعداد 2729 ہوگئی ہے ۔