کراچی:  رشوت لینے کی ویڈیوسوشل میڈیاپروائرل‘ پولیس اہلکارکومعطل کردیا گیا

کراچی(وقائع نگار) شہر قائد کے علاقے شاہراہ فیصل کے قریب پولیس اہلکار کی شہری سے رشوت طلب کرنے کی ویڈیوسوشل میڈیاپر وائرل ہوگئی تفصیل کے مطابق کراچی کے انتہائی ریڈ زون میں واقع نجی ہوٹل کے قریب پولیس اہلکار نے موٹر سائیکل نوجوانوں سے رشوت طلب کی اس دوران ایک نوجوان نے پولیس اہلکار کی خفیہ ویڈیو بنالی،ویڈیو میں دکھایاگیا ہے کہ پولیس اہلکار نے شہری سے پہلے دو ہزار روپے طلب کیے پھر کہنے لگا کہ پانچ سو روپے سے ایک روپیہ بھی کم نہیں ہوگا،نوجوان نے پولیس اہلکار سے کہا کہ ’سر میری گاڑی یہیں کھڑی ہے پیپر لے آتا ہوں؟ جس پر اہلکار نے کہا کہ ہاں تمہارے لیے ہم ادھر کھڑے رہیں گے ناں، افسر آجائے گا پھر میرے ہاتھ سے بات نکل جائے گی، موٹر سائیکل تھانے لے جائیں گے،ویڈیو بنانے والے نوجوان شہریوں سید مزمل اور بالاچ خان نے سوشل میڈیاپروائرل وڈیومیں بتایا کہ پولیس اہلکار نے پہلے روک کر دو ہزار روپے طلب کیے نہ دینے پر موٹر سائیکل تحویل میں لینے کی دھمکی دی ذرائع کے مطابق نوجوانوں سے رشوت طلب کرنے والا اہلکار آرٹلری میدان تھانے میں تعینات ہے جسے شہری لڑکوں کی شکایت پر معطل کردیا گیا ہے۔