پنڈی بھٹیاں: دودھ، دہی گھی، چینی، کی قیمتیں آسمان پر، عوام پریشان

پنڈی بھٹیاں (مبشر الحسن قادری سے ) تفصیلات کے مطابق شہر بھر میں دودھ  دہی ،گھی، اور چینی، کی قمیتیں آسمان پر پہنچ گئیں، شہر میں درجہ سوم گھی520، چینی 95 سے 100 روپے فی کلو۔ دودھ 130 روپے لٹر اور دہی 150 روپے فی کلو فروخت کیا جا رہا ہے۔ واضح رہے کہ ضلعی انتظامیہ کی جانب سے جاری کردہ ریٹ لسٹ کے مطابق دودھ فی لٹر دودھ 80 روپے اور دہی فی کلو  90 روپے فی کلو مقرر ہے جبکہ انتظامیہ کی جانب سے گراں فروشوں کے خلاف کارروائی نہ ہونے کے برابر ہے اور پرائس کنٹرول کمیٹیاں بے بس دکھائی دیتی ہیں۔ آبادی میں اضافے کے ساتھ ہی دودھ اور دہی کی مانگ بھی بڑھ رہی ہے اور لوگوںکیلئے خالص دودھ کا حصول ناممکن ہو گیا۔ جو مل رہا ہے وہ ملاوٹ شدہ ہے اورمہنگا بھی، حال ہی میں دودھ کی قمیت 20روپے اور دہی میں 30 روپے اضافہ کیا گیا لیکن پوچھنے والا کوئی نہیں، صارفین اور دودھ فروش دونوں ہی مہنگائی کا رونا رو رہے ہیں۔، اضافی دودھ دہی کی ضرورت سمگل شدہ ملک پاوڈر سے پوری کی جا رہی ہے۔ ان حالات میں دیہاڑی دار طبقہ فاقوں پر مجبور ہوچکا ہے۔