کوٹ ادو،بورے والا(خبرنگار،تحصیل رپورٹر) محنت کش کی 18سالہ بیٹی ،12سالہ بچی اغواء کر لی گئی۔کوٹ ادو سے خبرنگار کے مطابق بستی جنوں چاہ چوتھائی والا جنوں میں 12جون کو محنت کش سجاد حسین قریشی کے گھر ندیم حسین اپنے 2نامعلوم کے ہمراہ رات کی تاریکی میں داخل ہوگئے اور اس کی نوجوان بیٹی 18سالہ (ن) کو اغواء کرکے لے گئے،پولیس نے سجاد حسین قریشی کی مدعیت میں مقدمہ درج کرلیا۔بورے والا سے تحصیل رپورٹر کے مطابق تھانہ ماڈل ٹائون کی حدود اقبال نگر سے نذیر احمد کی بارہ سالہ بیٹی گھر سے کچھ لینے کے لیے قریبی دوکان پر گئی اسی دوران اچانک لا پتہ ہو گئی ورثاء نے تلاش اور پتہ جوئی کے بعد اغواء کا شبہ ظاہر کر تے ہوئے بچی کی بازیابی کے لیے تھانہ ماڈل ٹائون سے رجو ع کر لیا، پو لیس نے اندراج مقدمہ کے بعد کا روائی شروع کر دی ہے ۔