ٹریفک پولیس میں بڑے پیمانے پر اکھاڑ پچھاڑ‘ 395 پٹرولنگ‘ بیٹ افسر تبدیل

لاہور (نامہ نگار) سٹی ٹریفک پولیس میں بڑے پیمانے پر باہمی تقررو تبادلے کر دیئے گئے ہیں۔ عرصہ دراز سے ایک ہی سیکٹر میں تعینات سینکڑوں پٹرولنگ افسران، بیٹ افسران کو تبدیل کر دیا گیا۔ ترجمان کے مطابق 395 پٹرولنگ و بیٹ افسران کو تبدیل کر دیا گیا۔ 21سینئر ٹریفک وارڈنز کو بھی مختلف جگہوں پر تعینات کردیا گیا۔ 11 وارڈنز کے لائسنس برانچز میں تبادلے کردئیے گئے۔ 76ٹریفک کانسٹبلز کو بھی مختلف برانچز میں تعینات کر دیا گیا۔ ٹرانسفر ہونے والے تمام افسران کو نئے تعیناتی پر رپورٹ کرنے کی ہدایت کر دی گئی۔