شرقپورشریف (نامہ نگار )عید قرباں امت مسلمہ کو خدمت خلق اور ایثار کے جذبے سے سرشار کرتی ہے۔ مسلمانوں کو حضرت ابراہیم ؑ اور حضرت اسماعیل ؑ کی عظیم اور متبرک قربانی سے سبق حاصل کرنا چاہیے۔ ان خیالات کا اظہار سجادہ نشین آستانہ عالیہ شرقپور شریف صاحبزادہ میاں محمد صالح شرقپوری نے جمعہ کے اجتماع سے خطاب کرتے کیا انہوں نے مزید کہا کہ خدمت انسانیت سے ہم اپنی دنیا و آخرت سنوار سکتے ہیں مستحق افراد کو عید کی خوشیوں میں شریک کرنے سے اللہ تبارک و تعالیٰ راضی و خوش ہوتے ہیں۔