لاہور(سپورٹس رپورٹر)ویمن ایشیا کرکٹ کپ 19 جولائی سے سری لنکا میں شروع ہو گا۔ افتتاحی روز 19جولائی کو دو میچ کھیلے جائیں گے۔ پاکستان کا مقابلہ نیپال سے ہوگا جبکہ بھارت اور متحدہ عرب امارات کی ٹیمیں مدمقابل ہوں گی۔ویمن ایشیا کرکٹ کپ میں آٹھ ممالک کی ٹیمیں حصہ لیں گی جن کو دو گروپوں میں تقسیم کیا گیا ہے۔ پاکستان کو گروپ اے میں بھارت، متحدہ عرب امارات اور نیپال کے ساتھ رکھا گیا ہے جبکہ گروپ بی میں میزبان سری لنکا، ملائیشیا، تھائی لینڈ اور بنگلہ دیش کی ٹیمیں شامل ہیں۔ فائنل میچ 28 جولائی کو کھیلا جائیگا۔