لاہور (نوائے وقت رپورٹ)  وزیر اطلاعات پنجاب عظمی بخاری نے کہا کہ بانی پی ٹی آئی جیل میں بادام، پستے، کاجو، کافی اور دیسی مرغی سے مستفید ہورہے ہیں۔ بانی پی ٹی آئی کیلئے 6سیل الگ سے خالی کرائے گئے ہیں۔ 8ماہ میں بانی پی ٹی آئی نے 288 افراد سے ملاقاتیں کیں۔ بانی پی ٹی آئی سے انکی فیملی اور انکے وکلاء  ہفتے میں تین، تین دن ملاقاتیں کرتے ہیں۔ ان خیالات کا اظہار انہوں نے بیرسٹر سیف کے بیان پر ردعمل دیتے کیا۔ انکا مزید کہنا تھا کہ عمران خان کو جیل میں ٹی وی، روم کولر، سٹڈی ٹیبل، کرسی، ورزشی بائیک، سٹریچنگ بیلٹ، بک شیلف، کتابیں اور دن میں دو مرتبہ چہل قدمی کیلئے الگ جگہ فراہم کی گئی ہے اور الگ کچن کی سہولت بھی موجود ہے جبکہ میاں نوازشریف سے صرف ہفتے میں ایک دن جمعرات کے روز ہی ملاقات کی اجازت ہوتی تھی۔ بانی پی ٹی آئی اور بشریٰ بی بی کے لئے تمام وہ سہولیات میسر ہیں جو وی وی آئی پی کو ملتی۔ میاں نوازشریف کا اے سی اتروانے والے آج مظلومیت کا کارڈ مت کھیلیں۔