مکہ مکرمہ (مبشر لون استادانوالہ سے) سعودی عرب پاکستان میں عبدالعزیز الغدیر کو نئے سفیر کے طور پر متعین کرے گا جو ان دنوں ترکمانستان میں سفارتی فرائض انجام دے رہے ہیں۔ اسلام آباد میں سعودی عرب کے موجود سفیر علی عواض عسیری کو لبنان میں سفیر متعین کیا جائے گا۔ عربی جریدہ عکاظ نے باوثوق ذرائع کے حوالے سے یہ خبر دیتے ہوئے واضح کیا ہے کہ سعودی عرب نے پاکستان اور لبنان کے لئے عبدالغدیر اور عسیری کو نامزد کر دیا ہے۔ عسیری آئندہ چند ماہ کے دوران بیروت میں اپنی ذمہ داریاں سنبھالیں گے۔