آئرلینڈ کیخلاف وننگ کمبی نیشن برقرار رکھا جائے: سعید اجمل‘جنید خان‘حماد اعظم

لاہور(نمائندہ سپورٹس)پاکستان کرکٹ ٹیم کے آف سپنر سعید اجمل اور فاسٹ باو¿لر جنید خان نے گرین شرٹس کو وننگ کمبی نیشن برقرار رکھنے کا مشورہ دے دیا۔ میڈیا سے گفتگو کے دوران سعید اجمل نے کہا کہ جنوبی افریقہ کے خلاف جیت کے بعد ٹیم کے کھلاڑیوں کا مورال بلند ہے، امید ہے کہ آئندہ میچز میں فتح پاکستان کی ہوگی۔فاسٹ باو¿لر جنید خان کا کہنا تھا کہ قومی ٹیم آئرلینڈ سے جیتنے کی بھرپور صلاحیت رکھتی ہے۔آل راونڈر حماد اعظم نے کہا کہ ٹیم ورلڈ کپ میں بہت اچھا کھیل رہی ہے۔ انہوں نے آئندہ میچز میں پاکستان کی فتح کی امید ظاہر کی۔انہوں نے کہا کہ جنوبی افریقہ کے خلاف کامیابی کے بعد باﺅلرز نے اپنی اہلیت کو ثابت کر دیا ہے ۔ بلے باز بھی اپنا کردار ادا کریں ۔