کراچی(کلچرل رپورٹر) بھارتی فلم انڈسٹری کے نامور اداکار رضا مراد نے کہا ہے کہ بھارت کے85 فیصد عوام ہندو ہیں لیکن فلمی دنیا کے تین ہیروزشاہ رخ خان‘ سلمان خان‘ عامر خان نے جس طرح بلندیاں حاصل کی ہیں اس سے اندازہ لگایا جائے کہ عوام کے دل میں کوئی تعصب نہیں ہے تینوں اداکار بے حد مقبول ہیں۔ بھارت میں مذہب دیکھ کر نہیں بلکہ فن سے عوام پیار کرتے ہیں۔ وہ پیر کی شام کراچی پریس کلب میں صحافیوں کی ایک تقریب میں اظہار خیال کررہے تھے جس کا اہتمام پاکستان فلم اینڈ ٹی وی جرنلسٹس ایسوسی ایشن کے تحت کیا گیا تھا۔ رضا مراد کے ہمراہ ان کی صاحبزادی عائشہ بھی موجود تھیں۔