لاہور (نمائندہ سپورٹس)پاکستان کرکٹ بورڈ نے انٹرنیشنل کرکٹ کونسل کے سابق صدر احسان مانی کو پی سی بی کے ایڈوائزر کے طور پر کام کرنے کی پیشکش کر دی۔ ذرائع کے مطابق کرکٹ بورڈ نے ملکی کرکٹ کے معاملات کو زیادہ بہتر اور پیشہ ورانہ انداز میں چلانے کے لیے آئی سی سی کے سابق صدر کی خدمات حاصل کرنے کا فیصلہ کیا ہے. احسان مانی کرکٹ کے بین الاقوامی امور کا وسیع تجربہ رکھنے کے ساتھ ساتھ مالی معاملات کو بہترین انداز میں چلانے کا بھی وسیع تجربہ رکھتے ہیں. ذرائع کے مطابق پاکستان کرکٹ بورڈ نے احسان مانی کے بین الاقوامی کرکٹ میں وسیع تجربے کے پیشِ نظر انہیں پی سی بی کے ایڈوائزر کے طور پر کام کرنے کی پیشکش کی ہے۔. ذرائع کا کہنا ہے کہ احسان مانی نے پیشکش کا فوری جواب دینے کے بجائے سوچنے کے لیے وقت مانگا ہے۔