توصیف کرکٹ ٹرافی کا آخری لیگ میچ 22 مارچ کو کھیلا جائیگا

لاہور(نمائندہ سپورٹس)19 ویں توصیف ٹرافی کرکٹ چیمپئن شپ کا آخری لیگ میچ کرکٹ سنٹر اور سٹیگ کلب کے مابین22مارچ کوکرکٹ سنٹر گراؤنڈ پر کھیلا جائے گا۔ابتدائی راؤنڈ ناک آؤٹ سسٹم کی بنیاد پر جبکہ فائنل راؤنڈ لیگ کی بنیاد پر کھیلا گیا۔لیگ میچز4کلبوں کے مابین کھیلے گئے۔ کرکٹ سنٹر 36 اور سٹیگ کلب 31 پوائنٹس حاصل کر چکی ہے جبکہ آخری میچ کھیلا جانا باقی ہے۔ علی گڑھ کلب اور اپالو کلب اپنے تینوں میچز مکمل کر کے بالترتیب28 اور 16 پوائنٹس حاصل کر چکی ہے۔ماڈل ٹاؤن کلب کو5 مرتبہ، لدھیانہ جمخانہ کو 4، ماڈل ٹاؤن گرینز کو2 جبکہ اپالو سپورٹس، مغل پورہ وائٹس، کرکٹ سنٹر اور اپالو کب کو ایک ایک مرتبہ ایونٹ جیتنے کا اعزاز حاصل ہے۔ سروس کلب نے ماڈل ٹاؤن گرینز اور علی گڑھ کلب کے ساتھ مشترکہ ٹرافی جیتی جبکہ ایسا ہی اعزاز اختر عبدلرحمن اور وحدت ایگلٹس کلب کو حاصل ہے۔