کراچی/ لاہور/ کوئٹہ/ پشاور (صباح نیوز) ملک بھر میں پولیو مہم کا آغاز ہوگیا جس کے دوران سخت سکیورٹی میں لاکھوں بچوں کو حفاظتی قطرے پلائے جائیں گے۔ کراچی، لاہور، کوئٹہ اور پشاور، ایف آر پشاور، خیبر ایجنسی، شمالی اور جنوبی وزیرستان میںسمیت ملک کے مختلف شہروں میں پولیو مہم کا آغاز ہوگیا۔ کراچی میں شروع 4 روزہ پولیو مہم کے دوران 5 سال یا اس سے کم عمر کے 22 لاکھ سے زائد بچوں کو حفاظتی قطرے پلائے جائیں گے جبکہ تمام سرکاری ہسپتالوں، بس اڈوں اور ریلوے سٹیشنز پر رضاکار بچوں کو حفاظتی قطرے پلانے کے لئے موجود ہوں گے۔ بلوچستان میں تین روز تک پولیو مہم جاری رہے گی جس کے دوران رضاکاروں کی ٹیمیں سخت سکیورٹی میں محلے محلے پھر کر بچوں کو پولیو سے بچا کے قطرے پلائیں گی۔ خیبر پی کے اور فاٹا میں بھی 4روزہ مہم کا آغاز ہوگیا جہاں لاکھوں بچوں کو حفاظتی قطرے پلائے جائیں گے جبکہ چترال میں بارش اور برفباری کے باعث مہم کو موخر کردیا گیا۔ پنجاب کے مختلف شہروں میں بھی پولیو مہم کا آغاز ہوگیا جس کے دوران لاکھوں بچوں کو پولیو سے بچاﺅ کے قطرے پلائے جارہے ہیں۔
پولیو مہم