ہم ان شہیدوں کے وارث ہیں جن کی بدولت جمہوریت ہے: بلاول

اسلام آباد (نوائے وقت رپورٹ) پاکستان پیپلزپارٹی کے چیئرمین بلاول بھٹو زرداری نے کہا ہم ان شہیدوں کے وارث ہیں جن کی بدولت ملک میں جمہوریت ہے۔ اسلام آباد میں پیپلزپارٹی کے وفد سے ملاقات کے دوران بلاول بھٹو نے کہا جمہوریت اور انسانی آزادی کے لئے جدوجہد ہماری تاریخ ہے اور شہید محترمہ بے نظیر کے خوابوں کی تعبیر ہمارا مقصد ہے۔ انہوں نے مزید کہا آصف زرداری نے پارلیمنٹ کو بااختیار بناکر شہید محترمہ کے مقصد پر عمل کرکے دکھایا ہے۔ کارکن میری اصل طاقت ہیں۔ نوائے وقت رپورٹ کے مطابق فاٹا سے تعلق رکھنے والے سنیٹرز اور قومی اسمبلی میں اپوزیشن لیڈر خورشید شا نے چیئرمین پیپلزپارٹی بلاول بھٹو سے ملاقات کی جس میں ملک کی سیاسی صورتحال پر تبادلہ خیال کیا گیا۔ اپوزیشن لیڈر نے بلاول بھٹو کو پارلیمنٹ کے دورے کی دعوت دی۔
بلاول