لاہور (نیوز رپورٹر)گلستان سیدہ ہائی سکول‘ گلبرگII‘ لاہورکے طلبا و طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوان کارکنان تحریک پاکستان‘ شاہراہ قائداعظمؒ لاہور اور الغوثیہ پبلک ہائی سکول‘ محلہ سلطان پورہ‘ شاہ پور کانجرہ ‘لاہورکے طلبااور اساتذۂ کرام نے ایوان قائداعظمؒ، -1شاہراہ نظریۂ پاکستان‘ جوہر ٹائون‘ لاہور کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹ نے فائونڈیشن انسٹیٹیوٹ آف ٹیکنالوجی‘ لاہور کینٹ کا وزٹ کیا۔ ایوان کارکنان تحریک پاکستان‘ ایوان قائداعظمؒ اور مذکورہ بالا تعلیمی اداروں میں مستفید ہونیوالے اساتذہ اور طلبہ کی مجموعی تعداد 189 تھی۔