شرجیل خان قومی ٹیم میں واپسی کیلئے پرستاروں کے شکرگزار

کراچی(اسپورٹس رپورٹر )جارحانہ مزاج کے قومی بیٹسمین شرجیل خان قومی ٹیم میں واپسی کیلئے پرستاروں اور کراچی کنگز کے ساتھی کھلاڑیوں کے شکرگزار ہیں لیکن سابق قومی کپتان راشد لطیف کا کہنا ہے کہ لیفٹ ہینڈر کی اسکواڈ میں شمولیت کے باوجود ان کے کھیلنے کا امکان نہیں ہے۔مداحوں کی جانب سے سپورٹ پر شکرگزار شرجیل خان کا کہنا تھا کہ وہ پاکستانی ٹیم میں ایک بار پھر واپسی پر کراچی کنگز کے ساتھی کرکٹرز اور کوچنگ اسٹاف کی مدد اور حمایت کو بھی سراہتے ہیں اور مستقبل میں اسی جذبے کے ساتھ بہترین کھیل کا مظاہرہ کرتے رہیں گے۔