زیادہ لسٹ اے سنچریاں، احمد شہزاد  کا کین ولیمسن اور جو روٹ کا ریکارڈ برابر

ْؑملتان (سپورٹس ڈیسک ) قومی ٹیم کے اوپنر احمد شہزاد نے زیادہ لسٹ اے سنچریاں سکور کرنے کا کیوی کپتان کین ولیمسن اور برطانوی کپتان جو روٹ کا ریکارڈ برابر کردیا۔ 30 سالہ احمد شہزاد نے سینٹرل پنجاب کی جانب سے سدرن پنجاب کے خلاف 158 رنز کی شاندار باری کھیلی اور اس کے ساتھ ہی وہ زیادہ لسٹ اے سنچریاں بنانے والے بلے بازوں کی فہرست میں کین ولیمسن اور جوروٹ کے ہم پلہ ہوگئے۔احمد شہزاد اب تک 155 لسٹ اے میچز کی 155 اننگز میں 7 مرتبہ ناٹ آئوٹ رہتے ہوئے 43.01 کی اوسط سے 6366 رنز سکور کرچکے ہیں جس میں 17 سنچریاں اور 36 نصف سنچریاں شامل ہیں۔ لسٹ اے کرکٹ میں پاکستان کیلئے سب سے زیادہ سنچریاں بنانے کا اعزاز خرم منظور کے پاس ہے جنہوں نے اب تک 27 سنچریاں سکور کررکھی ہیں۔