کپتان سیاستدانوں کی پگڑیاں اچھا لنا بندکریں: عرفان الحسن بھٹی

سانگلہ ہل(نمائندہ خصوصی)پاکستان مسلم لیگ (ن) یوتھ ونگ کے ضلعی صدر امیدوار پی پی 131حاجی عرفان الحسن بھٹی نے کہا ہے کہ کپتان اقتدار کے نشے سے باہر نکلیں سیاستدانوں کی پگڑیاں نہ اچھالیں، سلیکٹڈ نااہل حکومت نے ثابت کیا کہ یہ کھلنڈروں، بدتہذیب اور غیرذمہ دار افراد کا ٹولہ ہے، ڈوبتی کشتی سے تبدیلی کے مسافروں نے چھلانگیں لگانا شروع کردی ہیں۔ان خیالات کا اطہار انہوں نے میڈیا سے گفتگو کرتے ہوئے کیا انہو ں نے کہاکہ عمران خان اپنی کرسی بچانے کیلئے سب کے پائوں پکڑ رہے ہیں جعلی وزیر اعظم تحریک اعتماد کے خوف سے بری طرح بوکھلا گئے ہیں اور اتحادیوں کی منتیں کرنے تک آگئے ہیں، عمران خان نے سیاست میں جو بویا تھا وہی کاٹ رہے ہیں۔