لاہور(لیڈی رپورٹر)کنیئرڈ کالج برائے خواتین میںشہر ادب لاہور کے تحت انقلابی شاعرفیض احمد فیض کے حوالے سے ان کی صاحبزادی منیزہ ہاشمی کی کتاب رونمائی کی تقریب منعقد ہوئی۔ تقریب کے مہمان خصوصی کمشنر لاہور کیپٹن ر محمد عثمان نے کہا کہ مصنفہ منیزہ ہاشمی کی کتاب’’ کنورسیشن ود مائی فادر ‘‘ فیض کی تفہیم اور ادب میں بہت بڑا اثاثہ ثابت ہوگی۔ چیئرپرسن الحمراء بورڈمنیزہ ہاشمی نے والد جناب فیض سے گفتگو پر کتاب تحریر کر کے عظیم ادبی خدمت انجام دی ہے۔انہوںنے کہاکہ خواتین صلاحیت و قابلیت میں کسی سے کم نہیںاورروشن پاکستان کی ضمانت ہیں۔تقریب میں کالج پرنسپل ڈاکٹر رخسانہ ڈیوڈکے علاوہ کالج اساتذہ وطالبات نے شرکت کی۔