پاکستان مسلم لیگ (ن)کے صدر اور قومی اسمبلی میں قائد حزب اختلاف میاں محمد شہباز شریف نے کہا ہے کہ کھوکھلے نعروں سے شہرت کے حریصوں کا مسئلہ یہ غلط فہمی ہے کہ وہ خود کو ملک اور عوام سے بڑا سمجھتے ہیں۔ان خیالات کااظہار شہباز شریف نے منگل کے روز ٹوئٹر پر جاری اپنے بیان میں کیا۔ شہباز شریف نے کہا کہ سب کچھ ان کی بہت بڑی انا کے گرد گھومتا ہے اور وہ مستقبل کا کوئی واضح خاکہ دینے کے بجائے ہمیشہ ماضی کے حوالوں میں گم رہتے ہیں۔ حقیقی دنیا اس طرزعمل پر نہیں چلتی۔