لاہور (نیوز رپورٹر+ نوائے وقت رپورٹ) صدر پاکستان تحریک انصاف و سابق وزیراعلیٰ پنجاب چودھری پرویز الہٰی نے کہا ہے کہ عمران خان کی داتا دربار ریلی دیکھ کر شریف خاندان کی ٹانگیں کانپ رہی ہیں۔ چوہدری پرویز الہٰی سے پاکستان تحریک انصاف کے پی پی 156 سے متوقع امیدوار عبدالواسع خان نے ملاقات کی، سابق مشیر وزیراعلی پنجاب شیخ عمر بھی ملاقات میں شریک تھے، ملاقات میں پارٹی امور اور الیکشن کی تیاریوں کے حوالے سے تبادلہ خیال کیا گیا۔ اس موقع پر چودھری پرویز الہٰی کا کہنا تھا کہ داتا دربار ریلی دیکھ کر نوازشریف کے پلیٹ لیٹس کم ہوگئے ہوں گے، مینار پاکستان میں اتوار کا جلسہ ملک کی تاریخ کا سب سے بڑا جلسہ ہوگا اور ن لیگ کے تابوت میں یہ جلسہ آخری کیل ثابت ہوگا۔ لاہور ہائیکورٹ نے 1990ء سے توشہ خانہ کا ریکارڈ طلب کرلیا ہے، توشہ خانہ کا ریکارڈ کھل گیا تو ان کو لگ سمجھ جائے گی۔ 
پرویز الٰہی