فیروزوالہ( نامہ نگار) مختلف واقعات میں دوشیزہ سمیت 3  افرادقتل اور 4افراد زخمی ہوگئے۔ بتایا گیا ہے کہ لاہور گجرانوالہ روڈ کی آبادی کھوڑی میں سفاک اہلیہ نے شوہر کو مبینہ طور پر زہردے کر موت کے گھاٹ اتاردیا۔عباس نامی شخص کے مطابق محمد یوسف سکنہ رفیق آباد کو اس کی اہلیہ نے زہردے کر قتل کردیا جبکہ صدر مریدکے پولیس کی ابتدائی رپورٹ کے مطابق واقعہ خودکشی ہوئی ہے۔ذرائع کے مطابق پوسٹمارٹم کے بعد ہلاکت کے اصل حقائق منظرعام پر آئیں گے۔ کالا خطائی روڈ کی آبادی سدھانوالی  بی آر بی نہر سے ایک نامعلوم 18 سالہ دوشیزہ لڑکی سربریدہ نعش برآمد کرکے پولیس کی تحویل میں دے دی،پولیس کے مطابق نامعلوم سفاک قاتلوں نے جواں سالہ لڑکی کوقتل کرکے نعش کونہر میں بہادیا،جسکی شناخت کیفی بی بی کے نام سے ہوئی۔ مقتولہ کو8 روز قبل نارنگ کے علاقہ مسلم  پارک سے موٹر سائیکل سوار 2 افراد نے اغوا کیا تھا۔فیصل آباد روڈ پر واقعہ بھکھی نہر سے نامعلوم نعش برآمد کی گئی۔ لاہورروڈ کی آبادی مکی چک میں بچوں کی لڑائی میں بڑئے کود پڑئے ڈنڈئے سوٹے اورآ  ہنی راڈ لگنے سے میاں بیوی سمیت ایک ہی خاندان کے4افراد 59سالہ نذیراں بی بی،60سالہ منیر،28سالہ جمیل اور25سالہ شکیل شدید زخمی ہوگئے۔ پولیس مصروف تفتیش ہے۔