آن لائن ، فیک کالز سے رقم ہتھیانے والا 2 رکنی گینگ گرفتار 

لاہور(نامہ نگار)لیاقت آباد پولیس نے آن لائن اور فیک کالز کے ذریعے لوگوں سے رقم ہتھیانے والا 2 رکنی گینگ گرفتار کر لیا ہے۔ تفصیلات کے مطابق لیاقت آباد پولیس نے انٹیلی جنس بیسڈ کارروائی کرتے ہوئے پرانی سبزی منڈی پاٹک سٹاپ سے نوسرباز گینگ کو گرفتار کر کے ملزمان سے وارداتوں میں استعمال ہونے والی موٹر سائیکل اور رقم ایک لاکھ 40 ہزار روپے بھی برآمد کر لیے۔ پولیس کا کہنا ہے کہ ملزمان او ایل ایکس، فیس بک اوردیگر آن لائن اشتہارات کے ذریعے لوگوں سے رابطہ کرتے تھے اورمعصوم شہریوں کو اپنی مرضی کی جگہ بلا کر گن پوائنٹ پر وارداتیں کر کے فرار ہو جاتے تھے۔ ملزمان بذریعہ فون کالز شہریوں کے لواحقین کو ہسپتال ایمرجنسی میں زیر علاج ہونے کا کہہ کر موبائل فون کیش بھی ٹرانسفر کرواتے تھے اور دکانداروں کو باتوں میں لگا کر قیمتی اشیاء چوری کر کے بھی فرار ہو جاتے تھے جبکہ ملزمان نے دوران تفتیش متعدد وارداتوں کا انکشاف کیا ہے۔نوسربازی کی وارداتوں کے شکار ہونے والے متعدد مدعیان مقدمہ نے ملزمان کو شناخت بھی کر لیاہے